તા. 15-7-2017, શિકાગો
આજે પૂજા બાદ આશીર્વાદ વરસાવતાં સ્વામીશ્રી બોલ્યા :
‘મહારાજનું આયોજન છે, માસ્ટર પ્લાન છે. તે પોતે મનુષ્ય જેવા થયા અને આપણને પણ મનુષ્ય જેવા કર્યા. એમાં જ માલ છે. ધારો કે મહારાજ ઈંગ્લૅન્ડ(ના) રાજારૂપે આવ્યા હોત તો કેટલાને લાભ મળત ? બે, પાંચ, દસ જણાને. પણ એવી રીતે આવ્યા કે લાખોને લાભ મળ્યો. માટે આમાં છેતરાવું નહીં. જે મળ્યું છે તેમાં રાજી રહેવું ને સેવા-ભક્તિ ડબલ ફોર્સથી કરવાં. તમે જે સેવા કરો છો, તે ભવ-બ્રહ્માદિકને મળતી નથી. આવી સેવા મૂકીને બીજી ઇચ્છા રહે, તેને ભિખારી જાણવા.’