પ્રેરણા પરિમલ
દિગંતમાં ડંકા - ૭૯
મોમ્બાસા, તા. ૨૯-૪-'૭૦
સવારે ૧૧-૪૦
'ઇસ્ટ આફ્રિકન સ્ટાન્ડર્ડ' નામના અંગ્રેજી દૈનિકમાં તા. ૧૮-૪-'૭૦ના રોજ સ્વામીશ્રીની ૭૯મી જયંતી પ્રસંગે પ્રકાશિત થયેલી બાર પાનાંની પૂર્તિનું વાંચન, સ્વામીશ્રી શ્રી હર્ષદભાઈ પાસે કરાવતા હતા. તેઓ અંગ્રેજી વાંચી, તેના તરત ગુજરાતી અનુવાદ કરી સંભળાવતા હતા.
પહેલા પાના ઉપરથી શ્રીજીમહારાજનું જીવન ચાલતું હતું. તેનું અનુસંધાન બીજે પાને હતું. પહેલા પાન ઉપર સ્વામીશ્રીનો ફોટો હતો ને નીચે લખાણ હતું. શ્રી હર્ષદભાઈ તે વાંચવા ગયા ત્યારે સ્વામીશ્રીએ તેમને અટકાવતાં કહ્યું, 'મહારાજનું વંચાઈ રહે પછી બીજો શબ્દ લેવાય. પહેલાં મહારાજનું જીવન-ચરિત્ર પૂરું કરો.'
'...પણ બાપા, આ પાનું વંચાઈ જાય - તેથી વાંચી લઈએ તો ?' શ્રી હર્ષદભાઈએ વિકલ્પ મૂક્યો.
'ભલે અહીં બાકી રહેતું ને બીજે પાને વાંચવું પડે પણ પહેલાં મહારાજનું જ વંચાય,' સ્વામીશ્રીએ એ પ્રમાણે વંચાવ્યું. મહારાજના મહિમામાં એમને વધુ રસ હતો !
- સાધુ ઈશ્વરચરણદાસ
Vachanamrut Gems
Gadhadã II-48:
An Ekantik Bhakta
“… Apart from God, he considers nothing else to be a source of happiness. One who behaves in this manner can be called an ekãntik bhakta of God.”
[Gadhadã II-48]