તા. 28-7-2017, સાનહોઝે
આજે સ્વામીશ્રીએ સાયંસભામાં આશીર્વાદ ખૂબ જ સુંદર આપ્યા હતા :
“મહારાજ આવ્યા, ગુણાતીત ગુરુઓ, પ્રમુખસ્વામી મહારાજ બધા આવ્યા અને આપણા જેવા થયા. આપણા જેવા ન થાય તો ? એક સૂર્ય સામું જોવું કઠણ છે. જો સૂર્ય થોડોક નીચે આવે તો બધાને બાળીને ભસ્મ કરી દે. તો અનંત સૂર્યનું તેજ એની સામે ક્યાંથી જોઈ શકાય ? એટલે આપણા જેવા થયા એકદમ. નિષ્કુળાનંદ સ્વામીએ લખ્યું : ‘કિયાં કીડી કરી મેળાપ, (ભેળો થાવા) ભારે ભેદ છે રે.’ ક્યાં પુરુષોત્તમ આપ અને ક્યાં આપણે ?
સંત દ્વારા ભગવાનનો જોગ થયો છે - એ મનમાં દૃઢ કરીને રાખવાની વાત છે. આપણે અત્યારે મહારાજના વખતમાં જે પ્રાપ્તિ હતી, એ પ્રાપ્તિ છે. એ ન સમજાય તો બધા ચકરાવે ચડીએ અને ગોટા વળે. ઘણી વાર આપણને એવું થાય કે પ્રાપ્તિમાં શું કરવું ? તો વિશ્વાસ. વિશ્વાસ એ જ પ્રાપ્તિ.”