તા. 28-7-2017, ટોરન્ટોથી સાનહોઝે જતાં પ્લેનમાં
પ્લેન ઊપડ્યું અને થોડું ઉપર ચઢ્યું કે સ્વામીશ્રીએ ઠાકોરજીને પોતાના ખોળામાં લીધા. બારી તરફ હરિકૃષ્ણ મહારાજનું મુખારવિંદ રાખી તેમને ટોરન્ટો શહેર દેખાડવા લાગ્યા. પ્લેન ઊંચું જતું ગયું તેમ ઠાકોરજીની થાળીને એક હાથથી નીચે ટેકો આપી, થોડી ત્રાંસી રાખી, મહારાજની દૃષ્ટિ નીચે જમીન પર પડે તેમ કરતા રહ્યા. લગભગ 15 થી 20 મિનિટ સુધી આ રીતે નીચેનાં ઘરો પર હરિકૃષ્ણ મહારાજની દૃષ્ટિ કરાવી.
ભક્તોએ પૂછ્યું કે ‘હરિકૃષ્ણ મહારાજને દૃષ્ટિ કરાવતી વખતે તમે કયો વિચાર કરતા હતા ?’
સ્વામીશ્રીએ કહ્યું : ‘બધા (નીચે રહેલા) સુખી થાય. આવતા જન્મે બધાને સત્સંગ થાય.’
કેવી ઉદાત્ત ભાવના !