પ્રેરણા પરિમલ
જ્યાં અંતર ઉઘડે છે
એક દિવસ પાંચ સત્સંગી કિશોરો પ્રમુખસ્વામી મહારાજને મળવા આવ્યા. તેમણે સ્વામીશ્રી પાસે અંતર ખોલતાં કહ્યું: 'અમને માફ કરો, સ્વામી! અમે આજ્ઞા લોપી છે.'
'શું આજ્ઞા લોપી છે ?' સ્વામીશ્રીએ પૂછ્યું.
'બાપા ! અમારો ઉતારો જે મોટેલમાં છે, તે મોટેલમાં ગઈકાલે રાત્રે અમે પીઝા ઓર્ડર કર્યા હતા. બહારનું ન ખવાય છતાં ખાધું.'
સ્વામીશ્રી તેઓને આશ્વાસન આપતાં કહે : 'તમને પશ્ચાત્તાપ થયો છે તે સારું છે. દુઃખ થયું છે તે સારું છે... પણ આપણે શિબિરમાં આવ્યા છીએ. માટે હવે એવું ન થવા દેવું. ભૂલ થઈ ગઈ તો હવે માફ છે.'
ફૂટતી યુવાનીએ પોતાના દોષનું દર્શન થવું, પશ્ચાત્તાપ થવો અને જાહેરમાં નિષ્કપટ થવું... આ બધું અહીંની ભોગભૂમિ માટે તદ્દન વિરુદ્ધ ગતિ કહેવાય ! પરંતુ સ્વામીશ્રીના હેતના કામણ એવાં છે કે કિશોરો પોતાના અંતર એમની પાસે ખોલી શકે છે અને નિર્દોષ થઈ દિવ્યતાની ભૂમિકા પર મહાલતા થઈ જાય છે.
Vachanamrut Gems
Loyã-10:
Eradicating one's Flaws Through Bhakti and Knowledge
“… Similarly, to such a person with gnãn, all objects become vain, and due to that gnãn, his vision becomes broad. A person with such an understanding becomes happy.”
[Loyã-10]