યોગીજી મહારાજના દર્શન મુલાકાતે લંડનના 'કીલબર્ન ટાઈમ્સ'ના રીપોર્ટર ગેરી ચેપમેન તથા સાથે ફોટોગ્રાફર રેગ આવેલા. મુલાકાત દરમિયાન એમણે સ્વામીશ્રીને કેટલાક પ્રશ્નો પૂછ્યા હતા. એમનો છેલ્લો પ્રશ્ન એ હતો -
ગેરી - 'આપના લંડન ખાતેના રોકાણ દરમ્યાન આપને અહીંના લોકોની કઈ વિશેષતા ગમી ?'
સ્વામીશ્રી - 'તેમને વાત કરીએ તો એ માની લે. મહેનત ન પડે.'
અને તુરત સ્વામીશ્રીએ તેમને કહ્યું, 'તમે અહીં આવ્યા છો તો એક નિયમ લો. ભગવાનનો આશરો કરો. પૂર્વનાં પાપ બળી જાય. દારૂ ન પીવો, એ એક નિયમ રાખો.'
વર્તમાન ધરાવી સ્વામીશ્રીએ એમને કંઠી પહેરાવી અને આશીર્વાદ આપ્યા, 'તમારાં કર્મ બધાં બળી ગયા. મોક્ષ થઈ ગયો. કંઠી કાઢવી નહિ અને એક માળા સ્વામિનારાયણ નામની ફેરવવી.' સાથેના ફોટોગ્રાફરને પણ એ સમજાવ્યું.