લંડન મંદિરમાં એક સેવકે પોતાનો પરિચય આપતાં કહ્યું: 'મારું નામ હરેશ ને ગામ શ્રીજીપુરા.'
શ્રીજીપુરા નામ સાંભળતાં જ સ્વામીશ્રીએ સામે પ્રશ્ન પૂછ્યો. તારા બાપાનું નામ શું?'
એ કહેઃ 'રામજી છગન.'
સ્વામીશ્રીને તો શ્રીજીપુરાના એક એક ઘર અને હરિભક્તોનાં નામ-ગામ ને વંશ યાદ. સ્વામીશ્રીની ડીરેક્ટરી ખૂલી ગઈ. 'આ લોકો મૂળ ઉગામેડીના. શાસ્ત્રીજી મહારાજે જ્યારે જમીનો વસાવી ત્યારે અહીં શ્રીજીપુરામાં લાવીને વસાવેલા. આ રામજી ને દયાળ એનો ભાઈ. છગનના આ બે. છગન ને ચાર ભાઈઓ હતા. ત્રિકમ મોટા ને છગન, નારાયણ ને તળશી એવાય ચાર ભાઈઓ. આનો ભાઈ અત્યારે સારંગપુરમાં સાધુ છે. ને સૂરતવાળા પેલા મણિલાલ છે એ બધા કુટુંબી થાય.'
પેલા હરેશના હાથમાં માઈક એમ ને એમ રહી ગયું. અને સ્વામીશ્રીની આત્મીયતા અંતરમાં કોતરાઈ ગઈ.
(૨૬-૪-૨૦૦૪, લંડન)