પ્રેરણા પરિમલ
આધ્યાત્મિક પ્રશ્નોત્તરી - ૩
સને ૧૯૭૦માં લંડનમાં યોગીજી મહારાજના રોકાણ દરમ્યાન ત્યાંના સ્થાનિક વર્તમાનપત્રોમાં સ્વામીશ્રીની પ્રશસ્તિ કરતા વિવિધ સમાચારો પ્રગટ થતા. સ્વામીશ્રીની પ્રતિભાથી આકર્ષાઈને અન્ય વર્તમાનપત્રોના ખબરપત્રીઓ સ્વામીશ્રી પાસે દોડી આવતા હતા. તેઓ ખૂબ જ શિસ્તથી સ્વામીશ્રીની અદબ સાચવતા. પ્રશ્નો ઘણું ખરું લખેલા તૈયાર હોય. તે પણ ખૂબ જ સભ્યતાથી પૂછે. સ્વામીશ્રી જે ઉત્તરો આપે તે સ્વીકારે ખોટી દલીલ કે ચર્ચા નહિ. એમનાં પ્રશ્નો પણ ઘણીવાર એમ લાગે કે ભગવત્પ્રેરણાથી જ પૂછાતા હશે. તેમાં એક દિવસ 'ન્યૂઝ ઓફ ધી વર્લ્ડ'ના ખબરપત્રી ડેવીડ મર્ટન્સ આવેલા.
ડેવીડ - 'તમે ભગવાનના સાચા ભક્ત છો તેની પ્રતીતિ બીજાને કેમ થાય?'
સ્વામીશ્રી - 'જેને ભગવાનનો સંબંધ થયો છે તે બધાંને થાય.'
ડેવીડ - 'આ જગતમાં આપ કેવી રીતે રહો છો?'
સ્વામીશ્રી - 'ભગવાન સ્વામિનારાયણે કહ્યું છે કે આ જગત નાશવંત અને તુચ્છ છે, તો તેમ માનીને આ દુનિયામાં રહીએ છીએ. જળકમળવત્ જેવું રહીએ છીએ.'
ડેવીડ - 'મૂર્તિપ્રતિષ્ઠામાં પ્રાણપ્રતિષ્ઠા થાય છે તો તેમાં આપનો પ્રાણ પ્રતિષ્ઠિત થાય છે કે શ્રીજીમહારાજનો?'
સ્વામીશ્રી - 'મૂર્તિઓમાં સત્પુરુષ શ્રીજીમહારાજનો પ્રાણ રેડે છે. તેથી તેમાં શ્રીજીમહારાજનો પ્રવેશ થઈ જાય.'
ડેવીડ - 'આપ ભગવાન સાથે વાત કરો તે બીજા કેમ જાણે?'
સ્વામીશ્રી - 'એ ભાવને પામ્યો હોય તે જાણે.'
Vachanamrut Gems
Gadhadã II-10:
A True Devotee
"… Even a sinner would perceive divinity in the divine actions of God; a true devotee of God, however, would perceive divinity even when God performs human-like actions…"
[Gadhadã II-10]