આજે સાયંસભામાં કીર્તન આરાધના રાખવામાં આવી હતી. આ પ્રસંગે વાતરૂપી કીર્તન બોલતાં સ્વામીશ્રીએ કહેલું કે -
‘પરમહંસો કે જેમણે કીર્તન બનાવ્યાં તે સાક્ષાત્‌ અનુભૂતિ કરતા’તા. બીજા કવિઓ ગમે તેટલી કલ્પના કરે તે કલ્પના જ રહે છે. જ્યાં ન પહોંચે કવિ ત્યાં પહોંચે અનુભવી. બીજા બધા કવિ ખરા, પણ અનુભવી નહીં.
પ્રમુખસ્વામી મહારાજની દિવ્ય ગતિ પછી પણ આજે દિવ્ય અનુભવો ચાલુ છે. આપણે રોકડું છે, પ્રત્યક્ષ છે. ઉધારો નથી. ‘જેને જોઈએ તે આવો મોક્ષ માગવા રે લોલ, આજ ધર્મવંશીને દ્વાર નરનારી...’ સ્વામીબાપા ગયા જ નથી. બીજા સ્વરૂપે આપણે અનુભવ કરીએ છીએ. માટે બળમાં રહેવું, હિંમત રાખવી, ભજન-ભક્તિ કરવી અને જે છે તેના કરતાં સવાયું કરી બતાવવું.’