જન્મજયંતીની સભા બાદ સ્વામીશ્રી ભોજન કરીને રૂમમાં પધાર્યા ત્યારે આજે થયેલા ઉત્સવના સંદર્ભમાં આદર્શજીવનદાસ સ્વામીએ કહ્યું : ‘સત્સંગ સૌને લીલો-પલ્લવ અનુભવાય છે.’
‘ભગવાન છે ને !!’ સ્વામીશ્રી તરત બોલી ઊઠ્યા.
હરિપ્રકાશદાસ સ્વામી કહે : ‘સ્વામીબાપા એક વાર એવું બોલેલા કે આ સંસ્થા શાસ્ત્રીજી મહારાજની છે ને એ જ ચલાવશે.’
‘એ જ ચલાવે છે.’ સ્વામીશ્રીએ તત્કાળ કહ્યું અને પછી ઉમેર્યું : ‘આપણે તો મહારાજ-સ્વામીને સોંપી દઈએ પછી એ જ ચલાવે. આપણે છૂટા. સ્વામીબાપા પાણી ભરેલા ઘડાનું દૃષ્ટાંત આપતા ને !’
તે સાંભળી સંતોએ કહ્યું : ‘આપ મહારાજ-સ્વામીને સોંપી દો પણ ભીડો તો આ શરીરને પડે ને !’
‘એનો વાંધો નહીં.’ સ્વામીશ્રી બોલ્યા.
ગુરુજનોના પગલે પગલે સ્વામીશ્રી પણ પોતાના દેહને વાટી રહ્યા છે.