બોચાસણમાં મંદિરે દર્શન બાદ સ્વામીશ્રી સ્વાગત-સભા માટે જેવા મંચ પર આવ્યા તે વખતે તેઓએ જોયું કે મધ્યમાં બિરાજિત અક્ષરપુરુષોત્તમ મહારાજ આગળ તેઓનું આસન તૈયાર કરવામાં આવેલું. સ્વામીબાપાની મૂર્તિ તેઓશ્રીની જમણી બાજુ આવે તેમ મંચ પર પધરાવવામાં આવેલી છે. આ મંચવ્યવસ્થા તેઓને જરાય રુચિ નહીં.
તેઓશ્રીએ તાત્કાલિક સ્વામીબાપાનું અને પોતાનું આસન સરખું કરવાની સૂચના આપી. એટલું જ નહીં, સ્વામીબાપાની મૂર્તિ મંચ પર બરાબર મધ્યમાં મુકાવી અને પોતાનું આસન એ મૂર્તિની જમણી બાજુએ કરાવ્યું. ચાલુ સભામાં આ ફેરફારો સંતો કરવા લાગ્યા ત્યાં સુધી સ્વામીશ્રી ઊભા રહ્યા. બધું બરાબર ગોઠવાઈ ગયું ત્યારે તેઓને સંતોષ થયો. ત્યારબાદ જ સોફા પર બિરાજ્યા.
સૌનાં અંતરમાં તેઓની આ ગુરુભક્તિની અમીટ છાપ અંકિત થઈ ગઈ.