એક તરુણ પ્રમુખસ્વામી મહારાજનાં દર્શને આવ્યો. સ્વામીશ્રી સાથે વાત કરતાં કહે, 'મારાં માબાપનો વિશ્વાસ મારા ઉપરથી ઘટી ગયો હોય એવું લાગે છે.'
સ્વામીશ્રી તેને પારખી ગયા અને તરત જ કહે,
'તું વ્યસન કરે છે ?'
'હા.'
'તો પછી માબાપનું કહ્યું નહીં માનતો હોય એટલે એવું જ થાય ને.'
સ્વામીશ્રી જરા કડકાઈથી તેને સમજાવતાં કહે, 'તને વ્યસન હોય ને તારા માબાપ તારાં સારા માટે તને ખખડાવે ને તને વસમું લાગે, પછી વિશ્વાસ તૂટે જ ને. અત્યારે તારે તો ભણવાનું જ હોય. એમાં જ એકાગ્ર થા તો જ તારું કામ થશે અને માબાપને પણ વિશ્વાસ આવશે.'
યુવાનને આ રીતે પ્રેમ અને હુંફ આપીને પ્રોત્સાહિત કરવાની સ્વામીશ્રીની કળા અદ્‌ભુત છે.