તા. 23-12-2010, મુંબઈ
ધૂલિયા છાત્રાલયથી આવેલા સંતોને સ્વામીશ્રી કહે : “યોગીબાપા કહેતા કે સંપ, સુહૃદભાવ, એકતા રાખવાં. બધાનો એકરાગ અને એકરુચિ રાખવી. કોઈ બોલે તો સહન કરવું. કેટલાકને એવું લાગે કે ‘હું ગધેડો છું ?’ પણ આપણે તો માણસ છીએ. એવું કોઈ બોલે તો એ બોલનારનું મોં ગંધાશે. આપણા સ્વભાવ-દોષ ટાળવા આપણે આવ્યા છીએ, બીજાનું મહારાજ જોશે. ત્યાં નાનું મંડળ છે, પણ એકરુચિ છે તો કામ થાય છે. આપણે તો બધાનું ભલું કરવું. યોગીબાપા અટલાદરામાં હતા ને એક જણે ચોરી કરી અને તેને પકડીને યોગી-બાપા પાસે લઈ ગયા, તો યોગીબાપા કહે : ‘આ ક્યાં ચોર છે ? આ તો મુક્ત છે.’ યોગીબાપાની દૃષ્ટિ કેવી ! જ્યાં જુએ ત્યાં રામજી બીજું ન ભાસે રે. એમ જ્ઞાન, સમજણ રાખીએ તો......”