એક યુવકને વેપાર કરવો હતો. તેમણે પોતાના વેપારની બધી જ વિગત સ્વામીશ્રી સમક્ષ રજૂ કરી. પછી કહેઃ 'આપણા જ એક સત્સંગી કહે છે તું મારી સાથે ભાગીદારી કર. એને મેં લખાણની વાત કરી તો એ કહે છે કે આપણે લખાણ શું કરવાનું? તારી ને મારી વચ્ચે બાપા છે પછી શું ચિંતા?'
આ સાંભળતાં જ સ્વામીશ્રી કહેઃ 'બાપા તો છે જ. અને એ બાપા જ કહે છે કે જે કંઈ કરવું તે લખત કરીને જ કરવું. બેય સત્સંગી તરીકે બરાબર છો. બંનેને આશીર્વાદ પણ છે. પણ લખાણ હોય તો પાછળથી કોઈ પ્રશ્ન ન થાય. આપણે તો પહેલેથી જ ચોખ કરવો કે વેપારમાં આટલા ટકા મારા ને આટલા તમારા. આ બાબતમાં હડફડ ના રહેવું. શિક્ષાપત્રીની આજ્ઞા પ્રમાણે લખાણ કરી જ લેવું. માણસ સારા છે એટલે શાંતિથી સમજાવજે. સંબંધ બગડે એવું ના કરવું. ભલે પૈસા ઓછા મળે પણ લખાણ તો કરવું જ.'
સ્વામીશ્રીએ વ્યવહારની આદર્શ રીત આ યુવકને શિખવાડી.
(૨૯-૪-૨૦૦૪, લંડન)