તા. 29-9-2017, લંડન
આજે પ્રાતઃપૂજા બાદ આશીર્વાદ આપતાં સ્વામીશ્રીએ કહ્યું :
“આખી દુનિયામાં ટીમવર્ક જોવા મળે છે. ટીમવર્કથી બહુ લાભ થાય. એક વાર એક ફૂટબૉલ મેચમાં એક પ્લેયર પાસે ફૂટબૉલ આવ્યો. ગોલ એકદમ નજીક હતો, પણ એણે બીજા પ્લેયરને પાસ કરી દીધો. બીજાએ ગોલ કર્યો. જો એણે ‘I will take honour’ (હું જશ લઉં) એમ રાખ્યું હોત તો કદાચ ગોલ ન થાત. ‘There is no limit to what can be achieved, if no one cares who gets the credit.’ - ‘હું ટીમને જિતાડું’ એમ નહીં. એ ખોટી વાત છે. ‘આપણે જીતવું છે,’ એમ નિશાન હોવું જોઈએ. જે સેલ્ફિસ(સ્વાર્થી) હોય અને પોતે કરવા જાય તો ગરબડ થાય. કદાચ એને ક્રેડિટ (જશ) મળે પણ એ બરોબર નથી.”
જ્ઞાનનું મૂર્તિમાન સ્વરૂપ સ્વામીશ્રી દરેક વિષય ઉપર ખૂબ જ મનનીય વક્તવ્ય આપી શકે છે.