તા. 18-2-2017, પુણે
સ્વામીશ્રી હરિભક્તોને મુલાકાત આપી રહ્યા હતા ત્યારે સિનસિનાટીથી અરવિંદભાઈ પટેલ નામના હરિભક્ત આવ્યા. તેમને જોતાં જ સ્વામીશ્રી કહે : ‘પેસ્તનજી બન્યા’તા.’ બે-ત્રણ સેકન્ડ તો અરવિંદભાઈ પણ વિચારમાં પડી ગયા. સ્મૃતિ સતેજ કરી અને પછી એકદમ બોલી ઊઠ્યા : ‘ઓ...ઓ...ઓ... I was 10–12 years old (હું 10-12 વર્ષનો હતો).’
એમને પૂછવામાં આવ્યું: ‘ક્યારની વાત છે ?’
તેમણે કહ્યું : ‘1977માં હું 10-12 વર્ષનો હતો ત્યારે નૈરોબીમાં સંવાદ ભજવાયેલો, તેમાં હું પેસ્તનજી બનેલો. 38 વર્ષ થવા આવ્યાં. મારી સ્મૃતિમાંથીય જતું રહ્યું હતું!’
શિકલ-શરીર બધું બદલાઈ ગયું હોય... એક વાર જોયા હોય... એ પણ સંવાદમાં તોય સ્વામીશ્રીની સ્મૃતિમાં તે સંગૃહીત થઈ જાય છે.