તા. 21-9-2010, સારંગપુર
સ્વામીશ્રી રોજ સવારે પાણીનું એક પણ ટીપું પીધા વગર રોજ સરેરાશ 150થી વધારે હરિભક્તોને મળીને તેઓનાં દુઃખ સાંભળે છે. મોટે ભાગે સમય ઓછો જ પડતો હોય છે. આજની મુલાકાતોમાં આવા પ્રશ્નોવાળા મુલાકાતીઓ વધારે આવ્યા હતા. એક પછી એક હરિભક્તો આવતા જતા હતા. ક્યાંય છેડો આવતો હોય એવું દેખાતું ન હતું. સ્વામીશ્રીને મળ્યા પછી અને આશીર્વાદ લીધા પછી આ હરિભક્તોનાં અંતરમાં જે આનંદ ઉછાળા મારતો હોય છે, એની તો વાત જ નોંખી.
આજની મુલાકાતો પૂરી થઈ. સ્વામીશ્રી રૂમ તરફ જઈ રહ્યા હતા અને બોલ્યા : ‘ઇતિ વચનામૃતમ્.’ સ્વામીશ્રી જાણે એ જ કહી રહ્યા હતા કે ભગવાન અને સંતના શરણે આવે અને શ્રદ્ધા અને વિશ્વાસ રાખે તો જ પ્રશ્નનો છેડો આવી જાય અને તો જ ‘ઇતિ વચનામૃતમ્’ શક્ય બને.