તા. 30-3-2017, દાર-એ-સલામ

સાયંભ્રમણ દરમ્યાન ‘દિગંતમાં ડંકા’ પુસ્તકનું વાંચન શરૂ થયું. તેની અંદર આવ્યું - ‘યોગીબાપાને જોઈને આફ્રિકન ભાઈઓ બોલતા ‘ઈકો મૂંગુ... ઈકો મૂંગુ...’
સ્વામીશ્રીએ તેનો અર્થ પૂછ્યો. સંતોએ કહ્યું : ‘એનો મતલબ આ ભગવાન છે... આ ભગવાન છે...’
સ્વામીશ્રીનાં દર્શનથી તેવો અનુભવ અત્યારે પણ થાય છે તેની વાત કરતાં યોગીમનનદાસ સ્વામીએ કહ્યું : ‘આજે સૌથી નીચેના ફ્લોર પર એક સ્થાનિક આફ્રિકનભાઈ નોકર તરીકે સેવા કરે છે. તેને આપે આશીર્વાદ આપ્યા તો તે ખૂબ કેફમાં આવી ગયો છે. તે કહે છે - ‘મને સાક્ષાત્ ભગવાને આશીર્વાદ આપ્યા છે. જો હું બીજે હોત તો આવો લાભ ન મળત. તેમણે મને આશીર્વાદથી શક્તિ આપી છે.’
‘સંત તે સ્વયં હરિ’ - આવો અનુભવ અહીંના મુમુક્ષુઓને પણ થાય છે.