તા. 3-12-2010, બોચાસણ
1983માં સ્વામીશ્રીને હૃદયરોગનો હુમલો આવ્યો એ વખતે વડોદરાના વિખ્યાત કાર્ડિયોલોજિસ્ટ ડૉ. બી. આર. પટેલે સ્વામીશ્રીની ટ્રીટમેન્ટ કરી હતી. તેઓને સ્વામીશ્રીના સ્વાસ્થ્યનો ખ્યાલ આવતાં આજે ખાસ વડોદરાથી તબિયતના સમાચાર પૂછવા આવ્યા હતા. તેઓએ સ્વામીશ્રીને સ્વાસ્થ્ય સંબંધી પૂછ્યું. એટલે જે કંઈ ઘટના ઘટી હતી એની વિગતે વાત સ્વામીશ્રીએ કરી. છેલ્લે બધાં લક્ષણોની વાત સાંભળીને ડૉ. બી. આર. પટેલ કહે : ‘જ્યારે આવું હોય ત્યારે અમે અમારા દર્દીને બે-ત્રણ અઠવાડિયાં માટે સંપૂર્ણ આરામ કરાવીએ છીએ. વિશેષ કોઈ શારીરિક શ્રમ હતો નહીં કે વિશેષ ઠંડી પણ હતી નહીં, છતાં આ દુખાવો થયો એટલે તપાસ કરી લેવી સારી.’ તેઓનો પણ આ મત પડ્યો.