તા. 26-11-2010, બોચાસણ
હૃદયની શસ્ત્રક્રિયામાં ભારતના સુવિખ્યાત ડૉક્ટર ભટ્ટાચાર્યની સુપુત્રીએ અમેરિકામાં એક સત્સંગી ડૉક્ટર સાથે લગ્ન કર્યાં છે. ડૉ. ભટ્ટાચાર્યના વેવાઈ રામભાઈ પંચાસરાનો હમણાં પાંસઠમો જન્મદિવસ આવતો હતો. એ નિમિત્તે યાદગાર સ્મૃતિ આપવાની ડૉ. ભટ્ટાચાર્યને ઇચ્છા હતી. સ્વામીશ્રીના આશીર્વાદપત્ર મળે એવી ઇચ્છા તેઓએ તીર્થસ્વરૂપ સ્વામીને દર્શાવી.
અત્યારે કાગળ લખવામાં આવ્યો. એક સંતે સ્વામીશ્રીને એટલું કહ્યું કે આપના હસ્તાક્ષર ‘તને-મને-ધને સુખિયા થાઓ’ એટલું જ લખશો તોય વાંધો નથી. આ વાત બે-ત્રણ વખત તેમણે રિપીટ કરી, પરંતુ સ્વામીશ્રીએ લખ્યું : ‘તને મને ધને સુખી થાવ, એવી ભગવાન સ્વામિનારાયણને પ્રાર્થના કરીએ છીએ.’
સ્વામીશ્રી હંમેશાં દાસ જ છે.