પ્રેરણા પરિમલ
દિગંતમાં ડંકા - ૪૧
કંપાલા, તા. ૨૩-૩-'૭૦
બપોરની કથામાં અંત્યનું ૩૦ વંચાવતા પ્રશ્ન નીકળ્યો કે, 'તેજને વિષે મૂર્તિ કોની છે ? મહારાજની કે ગુણાતીતની ?'
સ્વામી કહે, 'બેય ભેગી જ છે.'
'અક્ષર મહારાજની સેવામાં રહ્યા છે. તે સેવા કઈ ?' બીજો પ્રશ્ન.
'મૂર્તિ સામું જોઈ રહેવું તે જ સેવા છે. છેલ્લાના નવ પ્રમાણે મૂર્તિ સામું જોઈ રહ્યા છે...' સ્વામીશ્રીએ સ્પષ્ટતા કરી.
વળી, પ્રશ્ન નીકળ્યો : 'આટલું કરવાનું છે ને આટલું બાકી છે તે વ્યવહારનું કે મોક્ષનું ?'
'આટલું મૂર્તિમાં જોડાણા, આટલું એકાંતિકપણામાં બાકી છે, તેનું અનુસંધાન રાખવું. આટલી મિલ બાંધવી છે, આટલાં કારખાનાં કરવાં છે તેનું અનુસંધાન ન રાખવું. મોક્ષમાં શું અટક્યું છે ? એકાંતિક ધર્મ કેટલો સિદ્ધ થયો ? કેટલા બ્રહ્મરૂપ થયા ? સ્વામિનારાયણમાં કેટલા જોડાણા ? એ અનુસંધાન રાખવું.' સ્વામીશ્રીએ સમજાવ્યું.
- સાધુ ઈશ્વરચરણદાસ
Vachanamrut Gems
Gadhadã II-33:
I Have Never Harboured an Improper Thought
“… In fact, I swear by the lives of these paramhansas that from the day I was born to this very day, I have never harboured an improper thought regarding women or wealth, either in the waking state or in the dream state…”
[Gadhadã II-33]