તા. 15-1-2017, અમદાવાદ
સ્વામીશ્રી બાળ-યુવા દિનના કાર્યક્રમમાં પધાર્યા. બાળકો અને યુવકોએ ‘સંપ’ વિષયક ખૂબ જ સુંદર સંવાદ રજૂ કર્યો. આ પ્રસંગે આશીર્વર્ષા કરતાં સ્વામીશ્રી બોલ્યા :
‘આપણે આ બધું જોયું એ રમતમાં ન જાય તે ધ્યાનમાં રાખવાનું. ના-ટક = ટકે નહીં. પ્રમુખસ્વામી મહારાજે - ખમવું, ઘસાવું, અનુકૂળ થવું અને મનનું મૂકવું - આ જ વાતો આપી છે. આમાં કાંઈ બાકી ન રહે, પણ ઝીલવું ભારે છે...
સંપ માટે આપણા તરફથી કેવી રીતે વર્તવું તે વિચારવું. દરેક આ રીતે વર્તે તો ? મહારાજ-સ્વામીનો રાજીપો લેવો છે, બીજું કાંઈ બાકી નથી. બાકીમાં આટલું જ છે - સંપ-સુહૃદભાવ. એ આપણા જીવનમાં લાવવા પ્રયત્ન કરવો. બીજા કરે કે ન કરે - પંચાત ન કરવી. What is right? (શું સાચું છે)? પર જવું. અક્ષર-પુરુષોત્તમની ધજા ફરકાવવા શાસ્ત્રીજી મહારાજે આ જ કર્યું છે. What is right? પર ગયા. સામનો નહીં, સહન કર્યું. Who is right? (કોણ સાચું છે?) પર જઈએ તો તોફાન-ધડાધડી થાય. What is right? પ્રમાણે સત્સંગ કરવાનો.”
‘કોણ સાચું ?’ નહીં, પણ ‘શું સાચું ?’ પર જવાની સુંદર શીખ સ્વામીશ્રીએ આપી સૌને આજના દિવસનું ભાથું ભરી આપ્યું.