પ્રેરણા પરિમલ
'કથાવાર્તા એ આપણું જીવન છે...'
તા. ૩૦-૧૧-૨૦૦૪ના રોજ પ્રમુખસ્વામી મહારાજ બોચાસણમાં અલ્પાહાર લેવાની શરૂઆત કરતા હતા. તેમણે સંતો તરફ જોઈ ગ્રંથવાંચન કરવાનું કહ્યું.
એક સંતે નિષ્કપટ થઈ કહ્યું : 'સ્વામી! આપ આટલી પ્રવૃત્તિમાં રત રહો છો, મુલાકાત હોય, ફોન હોય, ખાનગી હોય- આ બધું હોવા છતાં તરત જ વાંચવાનું મન કઈ રીતે થાય છે? અમે તો ફક્ત થોડું જ કરીએ છીએ તો પણ પ્રવૃત્તિમય થઈ જવાય છે, વાંચવાનું મન ઓછુ _ થાય.'
આ સાંભળી સ્વામીશ્રી કહે : 'મૂળ પ્રવૃત્તિનો ફેર ચડી જાય એટલે મન ના થાય. આપણે પ્રવૃત્તિ બધી કરવાની, પણ પ્રવૃત્તિરૂપ થવાનું નથી. કરવાનું આ જ છે. ગુણાતીતાનંદ સ્વામીએ લખ્યું છે કે 'ગોશાળામાં ગયો પછી પાછો ધર્મશાળામાં આવી ના શક્યો.' કારણ શું? ક્રિયારૂપ થઈ ગયો. કથાવાર્તા એ આપણું જીવન છે, પણ એ દિશામાં વિચાર જ આવતો નથી. ગમે એટલી પ્રવૃત્તિ કરીએ, પરંતુ પ્રવૃત્તિરૂપ થઈ જઈએ તો પાછા પડાય, પણ કથાવાર્તાની આસક્તિ તો નિરંતર રાખવાની હોય.'
Vachanamrut Gems
Gadhadã III-8:
Not controlling one's indriyas, the cause of misery
“A person who has not controlled his indriyas by vairãgya and swadharma remains miserable, despite staying in the company of God and His Bhakta.
[Gadhadã III-8]