પ્રેરણા પરિમલ
યોગીચરિતમ્ - ૧૩
ગોરિયાદ, તા. ૬-૩-'૫૯
વેકેશનમાં યોગીજી મહારાજ સાથે ઘણા યુવકો ફરતા હતા. અહીં સવારે નિત્યકર્મથી પરવારી યોગીજી મહારાજ જાતે યુવકોને વહેલી સવારે ઉઠાડવા આવ્યા. ઘણાખરાને ઉપવાસ હતો. સૌ તૈયાર થયા. એટલે યોગીજી મહારાજે યુવકોને પારણાં કરાવ્યાં. ફરીથી ઉકાળો-નાસ્તો પણ કરાવ્યો અને યુવકોએ ઘણી ના પાડી છતાં સૌંને ગોળામાંથી લોટે લોટા ભરી પાણી પાયું. પછી યુવકોને બધાને ગોળા કેમ વીંછળવા અને પાણી કેમ ભરવું તે બધી ક્રિયા કરી બતાવી અને શિખવાડી.
પછી સભા કરી ગ.અં. ૭ અને ૮ મોઢે બોલ્યા અને નિરૂપણ કર્યું. ટપાલમાં સહી કરી. રસોઈમાં બ્રાહ્મણ યુવકોની મદદે આવ્યા. જાતે દાળ-ચોખા જોવા બેઠા. પછી યુવકો સાથે શાક સુધારવા બેઠા.
પછી સ્નાન કરવા પધાર્યા. સ્નાન કરી આવીને ધોતિયું પહેરતા હતા, ધોતિયું કમર ઉપર હજુ વીંટ્યું જ હતું, પાટલી પણ વાળી નહોતી ત્યાં જ ટપાલી આવ્યો. તેને ટપાલ આપવાની ઉતાવળ હતી એટલે અડધા પહેરેલે ધોતિયે જ યોગીજી મહારાજ નીચે બેસી ગયા અને ટપાલ ઉપર સહી કરી ટપાલ મોકલાવી.
એ દિવસોમાં તેઓનો આખા દિવસનો કાર્યક્રમ બહુ ત્વરિત રહેતો અને સૌ યુવકોને પોતે જાતે દરેક પ્રકારની શિક્ષા આપતા.
- સાધુ ઈશ્વરચરણદાસ
Vachanamrut Gems 
Kãriyãni-3:
A Determined Youth vs. a Lazy Youth
"… A person who is determined in that he feels, 'It is not good that I am having these base thoughts,' and who makes an effort to eradicate those thoughts, and who remains determined until they have been eradicated, progresses in his youth. On the other hand, one who is lazy instead of being alert, will not progress. So, a virtuous person like the former can be recognised from his childhood."
[Kãriyãni-3]