પ્રેરણા પરિમલ
બાળવત્સલ સ્વામીશ્રી
એક વાર પ્રમુખસ્વામી મહારાજ ઉકાઈમાં સંસ્થા તરફથી ચાલતા આદિવાસી બાળકોના નિઃશુલ્ક છાત્રાલયની મુલાકાતે ગયા હતા. સ્વામીશ્રી ઝીણી ઝીણી વિગતો પૂછીને બાળકોની સગવડ અને ખોરાક વિષે માહિતી મેળવતા હતા. વાતચીતમાં વ્યવસ્થાપકે કહ્યું : 'રોજ સવારે પાઉડરનું દૂધ આપીએ છીએ.'
'એ દૂધ બધાને ભાવે છે ? બધા પીએ છે ?' સ્વામીશ્રીએ વળતો પ્રશ્ન કર્યો.
'કોઈને ન ભાવે તો ન પણ પીએ.'
સ્વામીશ્રીએ કહ્યું : 'આપણે ગાય કે ભેંસનું દૂધ આપવું. જેથી કોઈ પીધા વગર ન રહે.'
આ પછી સ્વામીશ્રીએ બાળકોના પલંગ, પાથરણાં વગેરે જોયાં.
પલંગ પર ઓઢવા માટેના ધાબળા જોઈને સ્વામીશ્રીએ કહ્યું : 'આ ધાબળા ટાઢ હરે તેવા ફક્કડ છે, પણ ખોળિયાં કરાવી દેવાં, જેથી બાળકો ઓઢે ત્યારે ગાલે વાગે નહીં.'
બાળકના ઘડતરમાં વાત્સલ્ય શો ભાગ ભજવે છે એ સ્વામીશ્રી બરાબર જાણે છે. બાળકોનાં સ્વાસ્થ્ય અને સગવડની સ્વામીશ્રી ખૂબ કાળજી રાખે છે.
Vachanamrut Gems 
Gadhadã II-67:
The Master-Servant Relationship with God Always Remains
“… Similarly, God’s greatness is unfathomable; there is no way in which it can either increase or decrease. For this reason, then, those devotees of God who become brahmaswarup, still behave as God’s servants and engage in His worship. In this way, devotees of God attain qualities similar to those of God, and yet, the master-servant relationship between them is maintained. That is the answer to the question.”
[Gadhadã II-67]